ຂ່າວ
ເດືອນ 8 ປີ 2018 ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຕິບັດໄດ້ 900 ລ້ານໂດລາສະຫະລັດ ເຊິ່ງຍັງບໍ່ກວມເອົາການສົ່ງອອກໄຟຟ້າ.
ຍອດມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 8 ປີ 2018 ປະຕິບັດໄດ້ 900 ລ້ານໂດລາສະຫະລັດ. ໃນນັ້ນ, ມູນຄ່າການນໍາເຂົ້າ ປະມານ 579 ລ້ານໂດລາສະຫະລັດ ແລະ ສົ່ງອອກ ປະຕິບັດໄດ້ 321 ລ້ານໂດລາສະຫະລັດ.
ກົມການນຳເຂົ້າ ແລະ ສົ່ງອອກເລີ່ມຈັດຕັ້ງປະຕິບັດມາດຕະຖານການບໍລິການ (Service Charter)
ອີງຕາມແຈ້ງການ ເລກທີ 4186/ກຂອ, ລົງວັນທີ 12 ກັນຍາ 2018ແຈ້ງໃຫ້ຊາບວ່າ ກຂອ ໄດ້ລິເລີ່ມປັບປຸງວຽກງານການບໍລິການຂອງກົມໃຫ້ມີຄວາມກະທັດຮັດ, ວ່ອງໄວແລະຫັນເປັນທັນສະໄໝເທື່ອລະກ້າວ. ພ້ອມດຽວກັນນັ້ນ, ກອຂ ມີວິໄສທັດໃນການພັດທະນາວຽກງານການນຳເຂົ້າ ແລະ ສົ່ງອອກ, ການຄ້າຊາຍແດນ, ການອຳນວຍຄວາມສະດວກທາງດ້ານການຄ້າ ແລະ ການຄຸ້ມຄອງແຫຼ່ງກຳເນີດຂອງສິນຄ້າ ເພື່ອກະຕຸ້ນການຈະເລີນເຕີບໂຕທາງດ້ານເສດຖະກິດຂອງ ສປປ ລາວ.
Read more: ກົມການນຳເຂົ້າ ແລະ ສົ່ງອອກເລີ່ມຈັດຕັ້ງປະຕິບັດມາດຕະຖານການບໍລິການ (Service Charter)
ກອງປະຊຸມຝຶກອົບຮົມ ຫົວຂໍ້ “ສ້າງຄວາມເຂັ້ມແຂງ ກ່ຽວກັບວຽກງານອຳນວຍຄວາມສະດວກທາງດ້ານການຄ້າ ໃຫ້ແກ່ຜູ້ບໍລິຫານລະ ດັບກາງ ແລະ ວິຊາການອາວຸໂສ ຂັ້ນສູນກາງ ແລະ ທ້ອງຖິ່ນ”
ໃນລະຫວ່າງ ວັນທີ 22-24 ສິງຫາ 2018, ທີ່ ໂຮງແຮມ ປາກຊັນ, ເມືອງ ປາກຊັນ, ແຂວງ ບໍລິຄໍາໄຊ. ກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ ໃນນາມຫ້ອງການປະຈຳກອງເລຂາຊ່ວຍວຽກຂອງຄະນະກໍາມະການຊີ້ນໍາລວມອຳນວຍ ຄວາມສະດວກ ທາງດ້ານການຄ້າຂັ້ນສູນກາງ ໄດ້ຈັດກອງປະຊຸມຝຶກອົບຮົມໃນຫົວຂໍ້ “ສ້າງຄວາມເຂັ້ມແຂງ ກ່ຽວກັບ ວຽກງານອຳນວຍ ຄວາມສະດວກ ທາງດ້ານການຄ້າໃຫ້ແກ່ຜູ້ບໍລິຫານລະດັບກາງ ແລະ ວິຊາການອາວຸໂສ ຂັ້ນສູນກາງ ແລະ ທ້ອງຖິ່ນ” ພາຍໃຕ້ໂຄງການສ້າງຄວາມເຂັ້ມແຂງໃນຂົງເຂດວຽກງານການອໍານວຍຄວາມສະດວກທາງດ້ານການຄ້າ ເຊິ່ງເປັນໜຶ່ງໃນບັນດາອົງປະກອບຫຼັກຂອງແຜນງານການອໍານວຍຄວາມສະດວກທາງດ້ານການຄ້າ ພາຍໃຕ້ການສະໜັບສະໜູນທາງດ້ານທຶນຮອນຈາກໂຄງການຊ່ວຍເຫຼືອລ້າຫຼາຍຝ່າຍ ເພື່ອພັດທະນາ ການຄ້າໄລຍະ 2 (TDF 2). ໂດຍໃຫ້ກຽດເປັນປະທານຮ່ວມຂອງ ທ່ານ ສຸລິຍົນ ພິລາວົງ ຫົວໜ້າກົມການນໍາເຂົ້າ ແລະ ສົ່ງອອກ ແລະ ທ່ານ ບຸນເພັງ ໄຊສົງຄາມ ຮອງຫົວໜ້າພະແນກອຸດສາຫະກໍາ ແລະ ການຄ້າ ແຂວງ ບໍລິຄຳໄຊ.
Read more: ກອງປະຊຸມຝຶກອົບຮົມ ຫົວຂໍ້ “ສ້າງຄວາມເຂັ້ມແຂງ ກ່ຽວກັບວຽກງານອຳນວຍຄວາມສະດວກທາງດ້ານການຄ້າ...