ພະແນກອຳນວຍຄວາມສະດວກ ທາງດ້ານການຄ້າ
ໜ້າທີ່ຂອງພະແນກອຳນວຍຄວາມສະດວກທາງດ້ານການຄ້າ
Category: ພະແນກອຳນວຍຄວາມສະດວກທາງດ້ານການຄ້າ
Published: Wednesday, 30 December 2020
Written by Content Manager
- ຄົ້ນຄວ້າ, ປັບປຸງ, ສ້າງ ແລະ ນຳສະເໜີແຜນຍຸດທະສາດອຳນວຍຄວາມສະດວກທາງດ້ານການຄ້າຂອງ ສປປ ລາວ ໃນແຕ່ລະໄລຍະ;
- ຄົ້ນຄວ້າ ແລະ ປະກອບຄຳເຫັນຕໍ່ນະໂຍບາຍ ແລະ ນິຕິກຳ ກ່ຽວກັບການອຳນວຍຄວາມສະດວກທາງດ້ານການຄ້າ ທັງພາຍໃນ ແລະ ສາກົນ;
- ຈັດຕັ້ງເຜີຍແຜ່ບັນດາສັນຍາໃນຂອບສອງຝ່າຍ, ພາກພຶ້ື້ນ ແລະ ສາກົນ, ແລະ ແຜນຍຸດ ທະສາດທີ່ຕິດພັນກັບວຽກງານການອຳນວຍຄວາມສະດວກທາງດ້ານການຄ້າ;
- ປະສານສົມທົບກັບພາກສ່ວນກ່ຽວຂ້ອງ ເພື່ອຕິດຕາມ, ຊຸກຍູ້ ແລະ ປະເມີນຜົນການຈັດຕັ້ງປະຕິບັດຍຸດທະສາດອຳນວຍຄວາມສະດວກທາງດ້ານການຄ້າຂອງ ສປປ ລາວ ແລະ ບັນດາສັນຍາອຳນວຍຄວາມສະດວກທາງດ້ານການຄ້າ ທີ່ ສປປ ລາວ ເປັນພາຄີໃນຂອບສອງຝ່າຍ, ພາກພື້ນ ແລະ ສາກົນ;
- ເຂົ້າຮ່ວມການເຈລະຈາສັນຍາທັງພາຍໃນ ແລະ ຕ່າງປະເທດ ທີ່ຕິດພັນກັບວຽກການອຳນວຍຄວາມສະດວກທາງດ້ານການຄ້າ ຕາມການມອບໝາຍຂອງກົມ;
- ເປັນຈຸດປະສານງານທັງພາຍໃນ ແລະ ຕ່າງປະເທດ ທາງດ້ານວຽກງານການອຳນວຍຄວາມສະດວກທາງດ້ານການຄ້າ ແລະ ມາດຕະການທາງດ້ານການຄ້າທີ່ບໍ່ແມ່ນພາສີ (
- ສົມທົບກັບຂະແໜງການກ່ຽວຂ້ອງ ເພື່ອສັງລວມ, ໄຈ້ແຍກ ແລະ ຄົ້ນຄວ້າຜົນກະທົບ ຂອງບັນດາມາດຕະການທາງດ້ານການຄ້າທີ່ບໍ່ແມ່ນພາສີ (NTM) ເພື່ອນໍາສະເໜີທິດທາງ ປັບປຸງ ແລະ ຈັດຕັ້ງປະຕິບັດໃຫ້ສອດຄ່ອງກັບລະບຽບການຂອງສາກົນ;
- ຄຸ້ມຄອງບໍລິຫານ ແລະ ພັດທະນາເວັບໄຊທ໌ສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ໃຫ້ມີຄວາມທັນສະໄໝ, ຍືນຍົງ ແລະ ສາມາດເຊື່ອມໂຍງເຂົ້າກັບລະບົບອື່ນໆຂອງພາຍໃນ ແລະ ສາກົນ;
- ຄົ້ນຄວ້າ ແລະ ນໍາສະເໜີຂັ້ນເທິງແກ້ໄຂບັນຫາທີ່ຕິດພັນກັບສິ່ງກີດຂວາງທາງດ້ານການຄ້າ ຕາມການສະເໜີຂອງພາກທຸລະກິດ;
- ຄຸ້ມຄອງ ແລະ ຈັດຕັ້ງປະຕິບັດໂຄງການຂອງລັດ ແລະ ຕ່າງປະເທດ ຕາມການມອບໝາຍຂອງກົມ;
ປະຕິບັດໜ້າທີ່ອື່ນໆຕາມການຕົກລົງ ແລະ ມອບໝາຍຂອງຫົວໜ້າກົມ.