Category: ພະແນກການຄ້າຊາຍແດນ
Published: Wednesday, 30 December 2020
Written by Content Manager
- ຄົ້ນຄວ້າ ແລະ ສ້າງແຜນຍຸດທະສາດ, ແຜນແມ່ບົດພັດທະນາການຄ້າຊາຍແດນ ແລະ ຕະຫຼາດຊາຍແດນ ໃນແຕ່ລະໄລຍະ;
- ຄົ້ນຄວ້າ, ປັບປຸງ ແລະ ສ້າງນິຕິກຳ ແລະ ກົນໄກຄຸ້ມຄອງວຽກງານການຄ້າຊາຍແດນ, ຕະຫຼາດຊາຍແດນ;
- ເຜີຍແຜ່ບັນດານິຕິກຳ, ສັນຍາ, ຂໍ້ຕົກລົງ ແລະ ບົດບັນທຶກຊ່ວຍຈໍາສອງຝ່າຍທີ່ພົວພັນກັບວຽກງານການຄ້າຊາຍແດນ, ຕະຫຼາດຊາຍແດນ;
- ປະສານສົມທົບກັບພາກສ່ວນກ່ຽວຂ້ອງ ທັງພາຍໃນ ແລະ ບັນດາປະເທດທີ່ມີຊາຍແດນຕິດຈອດກັບ ສປປ ລາວ ໃນການຕິດຕາມ, ກວດກາ, ປະເມີນຜົນ ແລະ ຊຸກຍູ້ການຈັດຕັ້ງປະຕິບັດບັນດາສັນຍາ, ຂໍ້ຕົກລົງ ແລະ ບົດບັນທຶກຊ່ວຍຈໍາສອງຝ່າຍທີ່ພົວພັນເຖິງການຄ້າຊາຍແດນ, ຕະຫຼາດຊາຍແດນ;
- ປະສານສົມທົບກັບພາກສ່ວນກ່ຽວຂ້ອງ ເພື່ອຊຸກຍູ້ການຈັດຕັ້ງປະຕິບັດນິຕິກຳ ທີ່ຕິດພັນກັບການຄ້າຊາຍແດນ, ຕະຫຼາດຊາຍແດນ;
- ປະສານສົມທົບກັບພາກສ່ວນກ່ຽວຂ້ອງ ທັງພາຍໃນ ແລະ ບັນດາປະເທດທີ່ມີຊາຍແດນຕິດຈອດກັບ ສປປ ລາວ ເພື່ອເກັບກໍາສະຖິຕິການຄ້າຊາຍແດນ;
- ເປັນເຈົ້າການໃນການຈັດກອງປະຊຸມທີ່ພົວພັນເຖິງການຄ້າຊາຍແດນ ແລະ ຕະຫຼາດຊາຍແດນ ລະຫວ່າງ ສປປ ລາວ ແລະ ບັນດາປະເທດທີ່ມີຊາຍແດນຕິດຈອດກັນ ຕາມການມອບໝາຍຂອງກົມ;
- ປະກອບສ່ວນ ແລະ ເຂົ້າຮ່ວມເຈລະຈາບັນດາສັນຍາທີ່ຕິດພັນກັບວຽກງານການຄ້າຊາຍແດນ;
- ເປັນຈຸດປະສານງານກ່ຽວກັບວຽກງານການຄ້າຊາຍແດນ, ຕະຫຼາດຊາຍແດນ ແລະ ວຽກງານອະນຸພາກພື້ນລຸ່ມແມ່ນໍ້າຂອງ (Greater Mekong Sub-Region ຫຼື GMS);
- ຄຸ້ມຄອງ ແລະ ຈັດຕັ້ງປະຕິບັດໂຄງການຂອງລັດ ແລະ ຕ່າງປະເທດ ຕາມການມອບ ໝາຍຂອງກົມ;
- ປະຕິບັດໜ້າທີ່ອື່ນໆຕາມການຕົກລົງ ແລະ ມອບໝາຍຂອງຫົວໜ້າກົມ.
