ໜ້າຫຼັກ
ໃນໄລຍະ 03 ປີ ສປປ ລາວສົ່ງອອກສິນຄ້າ ພາຍໃຕ້ສິດທິພິເສດທາງກ້ານຄ້າ ໄປ ສປ ຈີນ ປະຕິບັດໄດ້ປະມານ 207,80 ລ້ານໂດລາສະຫະລັດ
ປະຈຸບັນຕະຫຼາດ ສປ ຈີນ ເປັນຕະຫຼາດທີ່ນ່າສົນໃຈຫຼາຍ ສຳລັບພາກທຸລະກິດທີ່ຕ້ອງການຂະຫຍາຍຕະຫຼາດ, ນອກຈາກຈະເປັນຕະຫຼາດທີ່ໃຫຍ່ ມີປະຊາກອນເຖິງ 1,300 ລ້ານຄົນ ອີກທັງເປັນປະເທດທີ່ມີການຈະເລີນເຕີບໂຕສູງ. ການຂະຫຍາຍໂຕທາງດ້ານເສດຖະກິດຂອງ ສປ ຈີນ ໃນຊ່ວງ 5-6 ປີທີ່ຜ່ານມາມີການຂະຫຍາຍຕົວທີ່ມີອັດຕາສູງ ແລະ ໄດ້ເຂົ້າມາມີບົດບາດສຳຄັນຕໍ່ກັບເສດຖະກິດໃນພາກພື້ນອາຊຽນ. ສຳລັບ ສປປ ລາວ ພາຍຫຼັງທີ່ມີການເປີດຕະຫຼາດສິດທິພິເສດທາງດ້ານການຄ້າທີ່ ສປປ ລາວ ແລະ ສປ ຈີນ ເປັນພາຄີຮ່ວມກັນ ປະກອບມີ 03 ຂອບສັນຍາ ຄື: ສັນຍາການຄ້າເສລີ ອາຊຽນ - ສປ ຈີນ (ASEAN - China Free Trade Agreement: ACFTA) ຟອມ E, ສິດທິພິເສດທາງການຄ້າແບບຝ່າຍດຽວຈາກ ສປ ຈີນ ພາຍໃຕ້ລະບົບອັດຕາພາສີພິເສດ (Special and Preferential Tariff Treatment for CLM: SPT) ຟອມ SPT ແລະ ສັນຍາການຄ້າເສລີ ອາຊີ - ປາຊີຟິກ (Asia - Pacific Trade Agreement: APTA) ຟອມ APTA. ສົ່ງຜົນໃຫ້ການຄ້າລະຫວ່າງສອງປະເທດ ສປປ ລາວ ແລະ ສປ ຈີນ ມີການຂະຫຍາຍໂຕຂຶ້ນເລື້ອຍໆ ໂດຍສະເພາະພາຍໃຕ້ຂອບສັນຍາ ACFTA.
ມູນຄ່າການນໍາເຂົ້າ ແລະ ສົ່ງອອກຂອງ ສປປ ລາວ ປະຈໍາເດືອນ 8 ປີ 2021 ບັນລຸໄດ້ປະມານ 880 ລ້ານໂດລາສະຫະລັດ
ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 8 ປີ 2021 ບັນລຸໄດ້ປະມານ 880 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 428 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 452 ລ້ານໂດລາສະຫະລັດ ແລະ ຂາດດຸນການຄ້າປະມານ 24 ລ້ານໂດລາສະຫາລັດ
