ຜູ້ນໍາເຂົ້າ ແລະ ສົ່ງອອກ ຕ້ອງໄດ້ລົງທະບຽນ ກ່ອນໄດ້ຮັບການອະນຸຍາດນໍາເຂົ້າ ແລະ ສົ່ງອອກສິນຄ້າ

 ອີງຕາມ ຂໍ້ຕົກລົງ ວ່າດ້ວຍການລົງທະບຽນຜູ້ນໍາເຂົ້າ ແລະ ສົ່ງອອກສິນຄ້າ, ເລກທີ 0752/ອຄ, ລົງວັນທີ 23 ພຶດສະພາ 2023 ແລະ ແຈ້ງການ ການລົງທະບຽນ ຜູ້ນໍາເຂົ້າ ແລະ ສົ່ງອອກສິນຄ້າ, ເລກທີ 1224/ຫອຄ, ລົງວັນທີ 09 ມິຖຸນາ 2023. ເຊິ່ງມີເນື້ອໃນຈິດໃຈອັນສໍາຄັນຄື:

     ໃຫ້ວິສາຫະກິດ ປະກອບເອກະສານແຈ້ງລົງທະບຽນຕາມແບບພິມທີ່ຄັດຕິດຢູ່ໃນແຈ້ງການ  ເລກທີ 1224/ຫອຄ ແລ້ວຍືນຕໍ່ ກົມການນໍາເຂົ້າ ແລະ ສົ່ງອອກ ຫຼື ສົ່ງຜ່ານອີເມວ This email address is being protected from spambots. You need JavaScript enabled to view it. ຫຼື ຕິດຕໍ່ພົວພັນໂດຍກົງກັບພະນັກງານຜູ້ຮັບຜິດຊອບ ເບີໂທ: 020 9699 6565 ຫຼື 020 5551 0038.

     ກໍານົດລົງທະບຽນ ກ່ອນວັນທີ 31 ສິງຫາ 2023 ຫາກວິສາຫະກິດໃດທີ່ບໍ່ລົງທະບຽນນໍາ ກົມການນໍາເຂົ້າ ແລະ ສົ່ງອອກ ຈະບໍ່ສາມາດດໍາເນີນການນໍາເຂົ້າ ແລະ ສົ່ງອອກສິນຄ້າ ຕາມທີ່ໄດ້ກຳນົດໃນ ແຈ້ງການ ເລກທີ 1224/ຫອຄ  ເຊັ່ນ: ສັດປີກ, ໝູ, ງົວ, ຄວາຍ, ປາ, ພືດຜັກ, ເຂົ້າກິນ, ສິນຄ້າອຸປະໂພກ-ບໍລິໂພກ, ອາຫານສັດ, ຝຸ່ນ (ປຸ໋ຍ), ວັດສະດຸກໍ່ສ້າງ, ຍານພາຫະນະ, ນໍ້າມັນເຊື້ອໄຟ, ອາຍແກັສ ແລະ ອື່ນໆ.